Tarazdyqtar Memleket basshysynyń úndeýine ún qosty

ASTANA. QazAqparat - Taraz memlekettik pedagogıkalyq ınstıtýtynyń ujymy Elbasy Nursultan Nazarbaevtyń Qazaqstanda bılik tarmaqtary arasynda ókilettikterdi qaıta bólý máseleleri jóninde el halqyna joldaǵan úndeýin qoldaıdy.

 Bul týraly QazAqparatqa TarMPI-dyń Aqparattyq-ımıdjdik qyzmetinen habarlady.

Oqý ornynyń professor-oqytýshylary men stýdentteri bas qosyp, Memleket basshysynyń Qazaqstandy demokratııalandyrý jolyndaǵy jańa qadamyn ózara talqylady.

Jıyndy TarMPI-dyń Tárbıe jumysy jáne áleýmettik máseleler jónindegi prorektory Orynqyz Joldasova ashyp, júrgizip otyrdy.

"Qazir basqarýdyń ıkemdik júıesin engizý zaman talaby. Ýaqyttyń ózi ony kórsetip otyr. Buny Elbasy erekshe atap ketti. Osyndaı ózgerister nátıjesinde Parlament pen Úkimettiń el turǵyndary aldyndaǵy jaýapkershiligi artady. Úkimet Qazaqstannyń áleýmettik damýyn óz baqylaýyna alyp, jete qadaǵalaıdy. Al quzireti keńeıgen Parlament halyqtyń jaǵdaıyn eskere otyryp, baqylaý mindetin atqarady. Bul reformalardyń halyqtyq talqyǵa salynýy negizinen bıliktiń ashyqtyq prıntsıpin, árbir bastamany halyqpen birlesip talqylaýǵa daıyndyǵyn kórsetedi", - dedi Joldasova.

Pedagogıka ǵylymdarynyń doktory, professor Tursynaı Ábdiqadyrova atalǵan reformanyń kúnde ózgerip jatqan qym-qýyt álemge jańa kózqaras bolyp tabylatyndyǵyn, Qazaqstan naqty saıası reformalardyń aldynda turǵandyǵyn aıtyp ótti.

Sondaı-aq jıyn barysynda tarıhshylar, saıasattanýshylar jáne oqý ornynyń stýdentteri el ómirindegi mańyzdy saıası ózgeris týrasynda paıymdy pikirlerin bildirdi.