Tarazdyqtar Qazaqstannyń birinshi qorǵanys mınıstri Saǵadat Nurmaǵambetovti eske aldy

TARAZ. QazAqparat – Otan qorǵaýshylar kúni men Qazaqstan Qarýly kúshteriniń qurylǵanyna 30 jyl tolýyna oraı «Ońtústik» óńirlik qolbasshylyǵynyń áskerı qyzmetshileri birqatar saltanatty is-shara ótkizdi, dep habarlaıdy QazAqparat tilshisi.

Tarazda «Ońtústik» ÓńQ áskerı qyzmetshileri Qazaqstannyń birinshi qorǵanys mınıstri, armııa generaly Saǵadat Nurmaǵambetovtyń memorıaldyq taqtasyna gúl shoqtaryn qoıdy. Eske sala keteıik, 2019 jyly Otan qorǵaýshylar kúnine oraı Tarazda Halyq qaharmany jáne Keńes Odaǵynyń Batyry, Táýelsiz Qazaqstannyń tuńǵysh Qorǵanys mınıstri Saǵadat Nurmaǵambetovtiń memorıaldyq taqtasy saltanatty túrde ashyldy.

Taraz qalasy ákimdiginiń sheshimimen sol kezde salynyp jatqan «Báıterek» shaǵyn aýdanyndaǵy jańa kóshege Halyq qaharmany Saǵadat Nurmaǵambetovtiń esimi berildi.

Nur-Sultan men Tarazdaǵy mektepterge Halyq qaHarmany Saǵadat Nurmaǵambetovtiń esimi berildi.

«Keshe Tarazda «Ońtústik« óńirlik qolbasshylyǵy bólimderiniń áskerı qyzmetshileri kásibı merekesi – Otan qorǵaýshylar kúnine sporttyq júgiris ótkizdi, ol bıyl Qazaqstan Respýblıkasy Qarýly Kúshteriniń 30 jyldyǵymen, sondaı-aq aldaǵy Jeńis kúnimen tuspa-tus kelip otyr», - dedi «Ońtústik» óńirlik qolbasshylyǵy baspasóz qyzmetininiń basshysy maıor Dına Mýharınova.

«Ońtústik» óńirlik qolbasshylyǵynyń áskerı orkestri Tarazdyń iri saýda ortalyǵynda Otan qorǵaýshylar kúni men Qazaqstan Qarýly Kúshteriniń 30 jyldyǵyna arnalǵan kontsert berdi.

Áskerı mýzykanttardyń qoǵamdyq oryndarda óner kórsetýi Taraz qalasynyń turǵyndary men qonaqtarynyń qyzyǵýshylyǵyn týdyrǵan.