Tarazdyqtar Germanııanyń «Dınslaken-Hıesfeld» fýtbol komandasymen sparrıngtik kezdesý ótkizedi
ALMATY. 12 qańtar. QazAqparat - Búgin Jambyl oblysynyń «Taraz» fýtbol klýby Túrkııanyń Antalııa qalasyndaǵy ekinshi oqý-jattyǵý jıyndary aıasynda alǵashqy sparrıng-matchyn ótkizedi.
Olardyń bul jolǵy qarsylasy Germanııanyń Oberlıgasynda («Oberliga Niederrhein») oınaıtyn «Dınslaken-Hıesfeld» komandasy bolmaq.
Serbııalyq Bas bapker Lıýbomır Petrovıch jattyqtyratyn tarazdyqtardyń bul jıyny 7 qańtarda bastalǵan bolatyn. 22 qańtarǵa deıin olar 3 sparrınktik-match (12, 16, 19 kúnderi) ótkizbek. Buǵan deıin 14-22 jeltoqsan kúnderi Birikken Arab Ámirliginiń Shardja qalasynda ótkizgen alǵashqy jıynda Dýbaı qalasynda jergilikti «Al-Shabab» komandasymen kezdesip, 2:0 esebimen basym túsken bolatyn.
Bul joly olar horvatııalyq Iosıf Mıkýlıch pen serbııalyq Marko Randelevıchti baıqap kórmek. Bul eki oıynshy komandadaǵy ortalyq qorǵaýshyny kúsheıtýge kómektesetin bolady. Ótken maýsymda Iosıf Horvatııanyń «Gorıtsa» klýbynda 8 match ótkizse, Marko Serbııanyń «Radnıchkı-NISh» komandasynda 15 oıynǵa qatysyp, 2 goldyń avtory ataǵan edi.
