Tarazdyqtar Astanada kóz jumǵan 5 balanyń rýhyna taǵzym etti
ASTANA. QazAqparat - Taraz jurty Astanada órt saldarynan kóz jumǵan 5 balanyń rýhyna taǵzym etti, dep habarlaıdy QazAqparat.
«Taraz jurty Astanada kóz jumǵan búldirshindermen qoshtasý rásimin ótkizip, gúl shoqtaryn qoıdy», - delingen ákimdik habarlamasynda.
Eske sala keteıik, 4 aqpan kúni túnde «Kóktal-1» turǵyn úı alabynda jeke úıdiń aýlasynda turǵyzylǵan ýaqytsha baspanadan órt shyqty. Órtti sóndirý barysynda 2006, 2008, 2014, 2016, 2018 jyldary týǵan 5 qyz balanyń denesi tabyldy.
Qaıǵyly oqıǵa kezinde bes balanyń ata-anasy túngi jumysta bolǵan. Búgin 5 balany elordalyqtar aqtyq saparǵa shyǵaryp saldy.
Sondaı-aq, Elbasy órtte qaza bolǵan balalardyń otbasyna kóńil aıtty.
