Tarazdyq jas kásipker medıtsınalyq jańa qosymsha oılap tapty

TARAZ. QazAqparat - Tarazdyq jas kásipker Sherzod Babaev medıtsına qyzmetkerleriniń jumysyn ońtaılandyratyn jańa qosymsha oılap tapty. Qazir bul baǵdarlamany emdeý mekemeleri qoldanysqa engizip, tıimdiligin kórip otyr , dep habarlaıdy QazAqparat.

Jańa qosymshany paıdalaný úshin aýrýhanaǵa kelgen naýqas, tól qujattaǵy jeke sáıkestendirý nómirin aıtýy tıis. Sol arqyly kýálik ıesi týraly tolyq aqparat kompıýterge avtomatty túrde engiziledi. Arnaıy qosymsha arqyly dárigerler naýqastyń aýrýhanadan shyǵarý qaǵazyn burynǵydaı saǵattap otyryp emes, 5 mınýtta toltyra alady. Kásipker tyń baǵdarlamany eki jylda jasap shyǵarǵan.

«Bul jańa qosymsha arqyly ýaqytty únemdep otyrmyz. Buryn emdelýshiniń málimetin alý úshin jazyp, shyǵaryp, qaıtadan kóshirip qoıý sekildi kóptegen fýnktsııalardy oryndaıtynbyz. Onyń bári kózge kórinbegenmen, aıtarlyqtaý qoldy baılaıtyn. Qazir onyń barlyǵyn kóshirmeımiz. Bir engizemiz, sol arqyly bári daıyn turady. Tek qana datasyn ózgertip otyramyz,- deıdi kardıohırýrg Dinmuhamed Begalıev.