Tarazdyq jas ǵalymnyń oılap tapqan tyńaıtqyshy óndiriste oń baǵasyn aldy

TARAZ. QazAqparat – Taraz óńirlik ýnıversıtetiniń jas ǵalymy, doktorant Dáýlet Egemberdıev ózi oılap tapqan jańalyqty álemdik deńgeıde tanytýdy kózdeıdi ,- dep habarlaıdy QazAqparat tilshisi.

Jas ǵalym topyraǵy tozǵan egistik alqaptary men sory shyqqan jerlerdi (tuzdy) qalpyna keltiretin tyńaıtqysh oılap tapqan bolatyn. Aýylsharýashyǵy ónimin arttyrýǵa da septigin tıgizedi. Dáýlet Egemberdıevtiń bul jobasy NURINTECH ınnovatsııalyq jobalar jarysynan, ózge de ǵylymı baıqaýlardan úzdik dep tanylyp, Fınlıandııada 1-oryndy jeńip aldy.

«Búgingi tańda aýylsharýashylyǵynda qoldanylatyn túrli tyńaıtqyshtar men hımııalyk ósimdik qorǵaý preparattary meıli ol mıneraldy selıtra, ammofos bolsyn durys paıdalanbaý ekosıstemaǵa keri áser etedi, jer asty sýynyń mıneralızatsııalanýyna ónimniń sapasyna, eń bastysy adam densaýlyǵyna zııan tıgizedi. Al Biomeliorant Gýmat Z 7 jane Z Lux tabıǵı taza bolǵandyqtan, qorshaǵan ortaǵa, adam densaýlyǵyna tek paıdasyn tıgizedi. Jaramsyz jerdi qunarlandyrady. Bul aýylsharýashylyǵy úshin óte mańyzdy»,- deıdi ǵalym.

Atalmysh tyńaıtqyshty suıyq jáne qurǵaq kúıinde qoldanýǵa bolady. Aýylsharýashylyǵyna tyń serpilis ákeletin bul jańalyqty Talas jáne Saryaǵash aýdandarynda tuzdy jerlerde synap kórgen jáne Reseı sharýalarymen keń kólemde qoldanyldy. Nátıjesi mamandardy tańqaldyryp otyr. Ónimmen qosa jerdiń qunarlyǵy da artqan. Ǵalymnyń oılap tapqan tyńaıtqyshy osy kúnge deıin Polsha men Reseıge jóneltilip, oń baǵasyn aldy. Ónimdi kóptep shyǵaryp, aýylsharýashylyǵyna tegisteı engizý úshin ǵalym bıznes álemine aıaq basty.

«Negizgi baǵytym, árıne – ǵylym men tehnologııa. Al bızneske osy jobamdy kommertsıalızatsııalaý úshin baryp otyrmyn. Ónimdi Biomeliorant Gýmat Z 7, Gýmat Z LUX, AntiSor markalarymen agromagazınderden alýǵa bolady. Osy tusta ǵylymda qanatymdy keńge jaıýǵa kómektesken ustazdarymnyń eńbegin aıtqym keledi. Professor Ádeýbaı Sadaqbaıuly Seıtkazıevke, Jumahan Súleımenuly Mustafaev, Nıetbaı Hojanov, Qambar Israıyluly, Estaev Kýat Ábenuly jáne ǵylymda jol nusqaǵan basqa da ustazdaryma aıtar alǵysym sheksiz»,- degen Dáýlet Egemberdıev aldaǵy ýaqytta basqa da ǵylymı jobalardy júzege asyrýdy kózdep otyrǵanyn aıtady.