Tarazdyq turǵynnyń páterinen urlanǵan tapansha tabyldy
TARAZ. QazAqparat - Taraz qalasy polıtsııa basqarmasy qyzmetkerleriniń jedel-izdestirý is-sharasynyń barysynda 29 jasar turǵynnyń páterinen urlanǵan qarý tabyldy, dep habarlaıdy QazAqparat.
Shahardaǵy shaǵyn aýdandarynyń birindegi páterden tabylǵan qarý ótken jyldyń qarasha aıynda urlanǵan. 29 jasar turǵyn óz kinásin tolyq moıyndady. Bul týraly oblystyq polıtsııa departamentiniń baspasóz qyzmeti málimdedi.
«Kúdikti «Agent 35 "» markaly revolvermen qatar taǵy eki qarýdy qoldy qylǵan. «MR-133» markaly qarý kópqabatty úıdiń jertólesinde sýǵa batyp ketse, al Zaýer» 12 kalıbrli qarýdy Jýaly aýdanyndaǵy tanysyna bergen. Barlyq aıǵaq zattar tárkilendi»,- deıdi PD baspasóz qyzmetiniń jetekshisi Gúlsara Muhtarqulova.
Kúdikti azamat qamaýǵa alynyp,oǵan qatysty Qylmystyq kodekstiń 291-baby 1-bóligi boıynsha sotqa deıingi tergeý bastaldy.
