Tarazdyq turǵynnan 10 keliden astam marıhýana tárkilendi

TARAZ. QazAqparat – Taraz qalasynyń 42 jastaǵy turǵynynan 10 keliden astam marıhýana tárkilendi, dep habarlaıdy QazAqparat.

Jambyl oblysy Polıtsııa departamenti Esirtki qylmysyna qarsy is-qımyl basqarmasynyń qyzmetkerleri júrgizgen jedel-aldyn alý is-sharalarynyń barysynda esirtki zattaryn saqtaǵany jáne satqany úshin 42 jastaǵy Taraz qalasynyń turǵyny ustaldy. Bul týraly atalmysh polıtsııa departamentiniń baspasóz qyzmeti habarlady.

«Sot-hımııalyq saraptamasynyń qorytyndysyna sáıkes, kúdiktiden tárkilengen zat – jalpy salmaǵy 10 keliden astam keptirilgen marıhýana esirtki zaty ekeni anyqtaldy. Kúdikti kinásin tolyq moıyndap, Taraz qalasy ýaqytsha ustaý ızolıatoryna qamaqqa alyndy»,-delingen vedomstvo habarlamasynda.

Qazirgi tańda atalǵan derekke qatysty QR Qylmystyq kodeksiniń 297-baby 3-bólimimen sotqa deıingi tergeý amaldary júrgizilýde.