Tarazdyq turǵyn keden beketinen asa iri kólemde esirtki zatyn alyp ótpek bolǵan
ShYMKENT. QazAqparat - OQO-nyń keden beketinde asa iri kólemde esirtki zatyn alyp ótpek bolǵan tarazdyq turǵyn ustaldy, dep habarlaıdy QazAqparat tilshisi.
Kúdikti óńirdiń Memlekettik kirister departamenti Ekonomıkalyq tergeý qyzmetiniń qyzmetkerleri kedenshilermen birlesken is-sharalardyń júrgizý nátıjesinde «Qazyǵurt» keden beketinen ustalǵan. Shekara beketinde qyzmettik-izdestirý ıtterin qoldaný arqyly jolaýshyny tekserý barysynda sporttyq kıiminiń jaǵa-astarynan ósimdik tektes untaq tabylǵan. Sot-hımıkalyq saraptama qorytyndysy bul zattyń jalpy salmaǵy 30,1981 gramm bolatyn «konabıs shaıyry» ekenin kórsetken.
Atalǵan jáıt boıynsha Qylmystyq kodekstiń 286 baby 2 bóligimen is qozǵalyp, OQO boıynsha MKD-niń Sotqa deıingi tergep-tekserýdiń byryńǵaı tizilimine tirkeldi. Ustalǵan 21-jastaǵy Taraz qalasynyń turǵyny Saryaǵash aýdanyndaǵy ýaqytsha ustaý oqshaýlaǵyshyna qamaldy. Tergeý kezinde kúdiktiniń qylmysy dáleldense, ol 7 jyldan 12 jylǵa deıin bas bostandyǵynan aıyrylýy jáne múlki tárkilenýi múmkin. Qazirgi tańda oǵan qatysty sotqa deıingi tergeý jumystary júrgizilýde.
Aıta keteıik, Qazaqstan men Ózbekstan shekarasynda atalmysh esirtki zattyń iri mólsherde tárkilenýi 2009 jyldan beri bolmaǵan. Buǵan deıin, «konabıs shaıyry» esirtki zatyn az mólsherde tasymaldaý faktileri tirkelgen.
Al, aǵymdaǵy jyldyń 9 aıdaǵy qorytyndysy boıynsha óńirde Ekonomıkalyq tergeý qyzmetiniń qyzmetkerlerimen shekaralyq keden beketterinen esirtki kontrabandasynyń 38 deregi anyqtalyp, zańsyz aınalymnan 537 gram esirtki zattary alyndy.
OQO boıynsha MKD-niń Sotqa deıingi tergep-tekserýdiń biryńǵaı tizilimine tirkelgen qylmystyq quqyqbuzýshylyqtardyń barlyǵy sotqa joldanǵan.
