Tarazdyq týǵan ápkesiniń kóligin jaǵyp jiberdi
ASTANA. QazAqparat - Taraz qalalyq sotynda týǵan ápkesiniń kóligin jaǵyp jibergen er adamǵa qatysty qylmystyq is qaraldy, dep habarlaıdy QazAqparat tilshisi.
Sot materıaldaryna sáıkes, 2017 jylǵy 28 jeltoqsanda D. esimdi azamat «Jansaıa» shaǵyn aýdanyndaǵy úıine mas kúıinde kelip, týǵan apasymen ursysyp qalǵan. Sol kezde ol óshin alamyn dep, ápkesiniń kóligin jaǵyp jiberýdi oılaıdy. Tipti, úıden shyǵyp bara jatqanda óz áreketi jaıynda eskertti. Alaıda eshkim qulaq aspaıdy. Jarty saǵattan keıin «Hyundai Accent»-tiń dabyly oınaı bastaıdy. Apasy dalaǵa shyǵyp qarasa, avturaqta turǵan kóligi órtke oranyp, janyp jatyr. Kólik ıesi birden polıtsııaǵa habar berdi.
«Sot otyrysy barysynda D. esimdi azamat óz kinásin tolyǵymen moıyndady. Al onyń ápkesi bas bostandyǵyn aıyrý jazasyn qoldanbaýdy surady. Sebebi aǵasy materıaldyq shyǵyndy ótep berdi. Taraz qalalyq №2 sotynyń sheshimine sáıkes, kólikti jaǵyp jibergen er adam Qylmystyq kodekstiń 202-baby, 2-tarmaǵy boıynsha kináli dep tanylyp, tórt jylǵa bas bostandyǵyn shekteý jazasyna kesildi. Budan bólek, ol 102 917 teńge kólemindegi memlekettik baj salyǵyn ótep berýi tıis. Sot sheshimi zańdy kúshine engen joq», - dep habarlady qalalyq sottyń mamandary.
