Tarazdyq tártip saqshylary qaraqshylyq árekettiń aldyn aldy
ASTANA. Sáýirdiń 14-i. QazAqparat /Aıdar Ospanalıev/ - Tarazdyq tártip saqshylary qaraqshylyq árekettiń aldyn aldy. Qaladaǵy kásipkerlerdiń otbasyna shabýyl jasalǵaly jatyr degen málimet túsisimen jedel izdestirý jumystaryn júrgizgen polıtseıler 44 jasar jergilikti azamatty ustap, odan pyshaq pen betperde tapty.
Qazirgi tańda atalmysh azamat ýaqytsha ustaý oqshaýlaǵyshyna qamaldy. Onyń qaladaǵy ózgede de qylmystyq áreketterge qatystylyǵy tekserilýde. Bul oqıǵa jóninde búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Sondaı-aq ol keltirgen málimetterge qaraǵanda, qostanaılyq tártip saqshylary Arqalyq qalasyndaǵy kásipker áıelge jasalǵan qylmystyq áreketti áshkereledi. Belgisiz eki azamat kásipker áıeldiń úıine basa kóktep kirip, ony uryp- soǵyp, 70 myń teńgesi men 500 myń teńgeniń áshekeılik zattaryn alyp ketken. Іzdestirý jumystary barysynda Astana men Atbasar qalalarynyń 28 jáne 30 jasar eki azamaty ustaldy. Olardan áshekeılik buıymdar men qarý tárkilendi.
