Tarazdyq stýdentterge arnalyp jaıly jataqhana salynyp jatyr
TARAZ. QazAqparat - Taraz ınnovatsııalyq-gýmanıtarlyq ýnıversıtetinde (TIGÝ) jańa jataqhana salynady, dep habarlaıdy QazAqparat tilshisi.
TIGÝ-dyń rektory Erbolat Saýryqovtyń aıtýy boıynsha, ýnıversıtet jaqynda ǵana Taraz qalasynan aýmaǵy 7,5 myń sharshy metrdi quraıtyn 5 qabatty ǵımarat satyp alǵan.
«Shamamen eseptegende, ǵımaratty qaıta jóndeýge 100 mln teńge jumsalǵaly tur. Josparlanǵanymyzdaı, jataqhana 400 orynǵa arnalmaq.
Bıylǵy jyly 2, 3 qabattaryna stýdentterdi jaıǵastyra beremiz. Qalǵanyn 2020 jyly tolyǵymen paıdalanýǵa beremiz degen oı bar. 2020 jyldyń qyrkúıek aıynda jataqhana túgeldeı daıyn bolady», - dep ýáde etti TIGÝ rektory Erbolat Saýryqov. 
Jaqynda stýdentter arasynda júrgizilgen saýalnama nátıjesinde 300-ge jýyq bilim alýshylar jataqhanaǵa zárý ekeni belgili boldy.
Eske sala keteıik, Elbasynyń bes áleýmettik bastamasynyń birinde joǵary bilimniń sapasy men qoljetimdiligin arttyrý jóninde aıtylǵan. Osyǵan baılanysty, Tarazda 2020 jylǵa deıin memlekettik-jekeshelik seriktestigi aıasynda 1650 oryndyq 3 stýdenttik jataqhana salý kózdelgen.
TIGÝ Elbasynyń bastamasyn júzege asyrǵan óńirdegi alǵashqy bilim ordasy bolyp otyr.
