Tarazdyq stýdentter Ýnıversıada qurmetine merekelik kontsert uıymdastyrdy
ASTANA. QazAqparat - Búgin jambyldyqtar 28-shi Búkilálemdik qysqy Ýnıversıadanyń alaý estafetasyn qabyldady. Saltanatty rásimge oraı Taraz memlekettik pedagogıkalyq ınstıtýtynyń stýdentteri merekelik kontsert uıymdastyrdy. Bul týraly TarMPI-dyń Aqparattyq-ımıdjdik qyzmetiniń basshysy Jandar Asan məlim etti, dep habarlaıdy QazAqparat.
"Alaý estafetasy" qarsańyndaǵy is-sharaǵa oqý ornynyń 2300 stýdenti qatysty. Olardyń qatarynda oqýda, sportta jáne ónerde úzdik nátıjelerge jetken bilimgerler bar. Jastar osylaısha Táýelsiz Qazaqstannyń tarıhynda tuńǵysh ret ótip jatqan Dúnıejúzilik qysqy stýdentter oıyndaryna qatysýshylarǵa qurmet kórsetti", - dep atap ótti.
Onyń aıtýynsha, 29 qańtar kúni Almaty qalasyna Jambyl oblysy atynan Ýnıversıada alaýyn TarMPI-diń stýdenti, qazaq kúresinen Álem chempıony, Halyqaralyq dárejedegi sport sheberi Dáýlet Pahredınov jetkizedi.
Aıta keteıik, búgin alaýdy jas sportshyǵa oblys ákimi Kárim Kókirekbaev tabystaǵan bolatyn.
