Tarazdyq sheneýnikterdiń jer telimderin satýdaǵy alaıaqtyq áreketteri anyqtaldy
Onyń aıtýynsha, QR Ulttyq ekonomıka mınıstriniń 2015 jyldyń 31 naýryzyndaǵy "Jer ýchaskesin nemese jer ýchaskesin jaldaý quqyǵyn satý jónindegi saýda-sattyqty (konkýrstardy, aýktsıondardy), onyń ishinde elektrondyq túrde, uıymdastyrý men ótkizý qaǵıdalaryn bekitý týraly» №290 buıryǵynyń 24 tarmaǵyna sáıkes saýda-sattyqty uıymdastyrýshy aýktsıonǵa qoıylatyn jer ýchaskesi týraly málimetterdi qamtıtyn aýktsıon ótkizý týraly habarlama jasaıdy. Ony aýktsıon ótkizýdiń jarııalanǵan kúninen buryn on bes kúnnen keshiktirmeı merzimdi baspasóz basylymynda, satýshynyń resmı ınternet-resýrsynda jáne ruqsattar men habarlamalardyń memlekettik aqparattyq júıesinde jarııalaıdy.
«Degenmen, Taraz qalasy ákimdigi jer qatynastary bóliminiń jaýapty tulǵalardyń habarlamany bir ǵana gazetti jarııalaǵandyǵy jáne olardyń búkil taralymdy satyp alǵandyǵy týraly fakti anyqtaldy. Osylaısha, ózge múddeli tulǵalardyń jer telimin satyp alý aqparatynan qaǵyp, jerdi affılırlengen tulǵalarǵa bastapqy baǵadan sál qymbatqa satyp otyrǵan. Oǵan aýktsıonǵa qatysýshylardyń sany dálel bolady. árbir jer ýchaskesine tek eki satyp alýshy ǵan úmitker bolǵan», - dedi ol «Atameken» UKP pen Memlekettik qyzmet istri jáne sybaılas jemqorlyqqa qarsy is-qımyl agenttigi arasynda jasalǵan jol kartasyn iske asyrýdyń aralyq qorytyndysyna arnalǵan keńeste.
Oleg Savelenkonyń sózine qaraǵanda, osyndan keıin atalǵan jer telimderi naryqtyq baǵamen bastapqy qunynan 10, tipti 20 ese qymbatqa satylyp otyrǵan.