Tarazdyq polıtseıler kópirden sekirmek bolǵan qyzdy qutqaryp qaldy

TARAZ. QazAqparat - Tarazdyq polıtseıler kópirden sekirmek bolǵan 22 jastaǵy qyzdy qutqaryp qaldy, dep habarlaıdy QazAqparat Polisia.kz-ke silteme jasap.

Taraz qalasynyń Polıtsııa basqarmasynyń Patrýldik polıtsııa batalonynyń qyzmetkerlerine 15 qarashada shamamen 03:00-de Jedel basqarý ortalyǵynan kópir ústinde áıeldiń sekirýge daıyn turǵandyǵy jaıly habarlama kelip túsken. Oqıǵa ornyna jaqyn jerde bolǵan patrýldik polıtsııa qyzmetkerleri kópir ústine tez arada jetip, qyzben sóılesip, ony raıynan qaıtaryp, qutqaryp alǵan.

22 jastaǵy qala turǵynyn Taraz qalalyq Polıtsııa basqarmasy Patrýldik polıtsııa batalonynyń Aıdyn Abdrahmanov pen Raýan Mırıbıldaev basqarmaǵa jetkizdi.
Qyz óziniń kúızeliste bolǵandyqtan sýıtsıdke barmaq bolǵany jaıly aıtqan. Onymen profılaktıkalyq jumys júrgizilip, qazirgi tańda psıhologtarmen birlesken jumystar jasalýda.