Tarazdyq oqýshylar polıtseılerdiń bir kúndik jumysymen tanysty

TARAZ. QazAqparat - Tarazdaǵy bilim oshaqtarynda  «Men jáne meniń polıtseıim» atty aktsııa  ótýde. Onda oqýshylar bir kúnin tártip saqshylarymen birge ótkizedi,  dep habarlaıdy QazAqparat.

Ákimshilik polıtsııa komıteti uıymdastyrǵan sharada balalarǵa jolda júrý erejeleri tanystyryldy. Sondaı-aq, oqýshylar Jambyl stantsııasy jelilik polıtsııa bóliminiń jumysyn óz kózimen kórdi. Temirjol toraptaryndaǵy qarapaıym erejelermen tanysyp, ereje buzǵandarǵa aýyzsha eskertý jasaýdy úırendi. Bul ıgi sharanyń oqýshylardyń qoǵamdyq jumystarǵa belsendi aralasýyna jáne balalardy jol apatynan saqtandyrýda mańyzy zor.

«Orta mektep oqýshylarymen jáne Taraz qalasynyń temirjol kolledjiniń stýdentterimen birlesip, lektsııa ótkizip, beınerolıkter kórsettik, polıtseılerdiń jumysymen tanystyrdyq», - deıdi Jambyl stantsııasy jelilik polıtsııa bóliminiń ınspektory Gúldana Musaeva.   

Ǵıbrat Sembaı