Tarazdyq oqýshylar álemdik «Bookstart» aktsııasyna qatysty
TARAZ. QazAqparat – Tarazdaǵy Nazarbaev Zııatkerlik mektebiniń oqýshylary «Bookstart» álemdik aktsııasyna atsalysty, - dep habarlaıdy QazAqparat.
Oblys ortalyǵyndaǵy Nazarbaev Zııatkerlik mektebiniń ózin-ózi basqarý uıymynyń belsendileri kitaphana qyzmetkerleriniń qoldaýymen qaladaǵy jas analarǵa arnalǵan «Ana úıi» daǵdarys ortalyǵynda bolyp, ondaǵy analar men balalarǵa kitaptar, ústel oıyndary men tátti syılar tabystap qaıtty.
Aıta keteıik, atalǵan aktsııa maqsaty – balalarǵa kitap syılap, otbasyn kúndelikti kitap oqýǵa baýlý, kitapqa degen súıispenshilikterin arttyrý. Atalǵan álemdik qozǵalys alǵash ret 2014 jyly Ulybrıtanııada paıda bolyp, álemniń kóptegen elderinde qoldaý taýyp, jalǵasyp keledi. Aktsııa barysynda ár otbasynda bala paıda bolysymen úkimet tarapynan eki qorap kitap pen oıynshyq syıǵa tartylady eken.
Al tarazdyq NZM oqýshylarynyń tańdaýy qaladaǵy «Ana úıi» daǵdarys ortalyǵyna túsken. Oqýshylardyń oıynda aýyr jaǵdaıda jalǵyz qalǵan jas ana men balany qoldap, bir sátke kóńilderin aýlaý bolǵan. Daǵdarys ortalyǵy men Zııatkerlik mektep arasyndaǵy baılanys úzdiksiz júzege asýda. Ár maýsym saıyn oqýshylar, pedagogtar ortalyqta kontserttik baǵdarlamalar uıymdastyryp, qajetti syılar jasap keledi.
