Tarazdyq fýtbolshylar Túrkııanyń «Arsınspor» komandasyna 2:1 esebimen ese jiberdi
ALMATY. 14 qańtar. QazAqparat - Keshe Jambyl oblysynyń «Taraz» fýtbol klýby Túrkııanyń Antalııa qalasyndaǵy ekinshi oqý-jattyǵý jıyndary aıasyndaǵy alǵashqy sparrıng-matchyn ótkizdi.
Komandanyń ǵalamtordaǵy saıtynda jarııalanǵan habarlamaǵa qaraǵanda, ol buǵan deıin josparlanǵandaı Germanııanyń Oberlıgasynda («Oberliga Niederrhein») oınaıtyn «Dınslaken-Hıesfeld» komandasy emes, Túrkııanyń 3-shi lıgasyndaǵy jergilikti «Arsınspor» komandasymen ótip otyr.
Serbııalyq Lıýbomır Petrovıch jattyqtyratyn tarazdyqtar birinshi bop esep ashqan bolatyn. Onda baıqaýǵa kelgen serbııalyq Iosıf Randelevıch kózge tústi. Alaıda alanııalyqtar oǵan 2 doppen jaýap berip, jalpy esepte 2:1 esebimen basym tústi. Jalpy bul «Taraz» komandasynyń jańa maýsymǵa ázirlik kezindegi ekinshi kezdesýi bolyp otyr. Buǵan deıin olar jeltoqsan aıynda Birikken Arab Ámirligindegi alǵashqy jıynda Dýbaı qalasynyń «Al-Shabab» komandasyn 2:0 esebimen utqan edi. Endi olardyń kelesi sparrıngtik kezdesýi 16 qańtarda ótpek. 22 qańtarǵa deıin sozylatyn bul jıynda taǵy bir kezdesý ótedi dep josparlanýda.
