Tarazdyq fýtbolshylar Túrkııada Rýmynııa chempıonaty kóshbasshysynan 1:0 esebimen basym tústi

 Bul Rýmynııa chempıonatynyń kóshbasshysy úshin oqý-jattyǵý jıynyndaǵy alǵashqy, al tarazdyqtar úshin úshinshi  joldastyq kezdesýi bolatyn. Olar buǵan deıin 22-qańtarda Nalchıktiń "Spartak" komandasymen 1:1 esebimen teń túsip,  21-qańtarda  Ázirbaıjannyń Agdam qalasynyń «Qarabah» komandasyn 1:0 esebimen utqan edi. Tarazdyqtardyń Túrkııadaǵy bul jıyny 8-qańtarda bastalǵan bolatyn. Bas bapker  Lıýbomır Petrovıch oǵan 22 sportshyny shaqyrǵan. Serbııalyq maman buǵan deıin komandada  baıqaýda júrgenderdiń arasynan  2 brazılııalyq jáne 1 portýgaldyq aıaqdopshyny merziminen buryn eline qaıtarǵan edi.