Tarazdyq fýtbolshylar Lıvııa Premer-lıgasy chempıonynan basym tústi
ALMATY. 17 qańtar. QazAqparat - Keshe «Taraz» fýtbol klýby Túrkııanyń Antalııa qalasyndaǵy ekinshi oqý-jattyǵý jıyndary aıasynda Lıvııanyń Trıpolı qalasynyń «Al-Ittıkat» komandasymen sparrıng-match ótkizdi.
Bul oıyn 1:0 esebimen serbııalyq Lıýbomır Petrovıch jattyqtyratyn tarazdyqtardyń jeńisimen aıaqtaldy. Olardyń bul jolǵy qarsylasy Lıvııa chempıonatynyń - 15, Sýperkýboktyń - 8, al el kýbogynyń 6 dúrkin chempıony atanǵan eń áıgili komandasy boldy.
Tarazdyqtar kelesi sparıng-matchyn endi 19 qańtarda Horvatııanyń Birinshi lıgasynda oınaıtyn Osıek qalasynyń «Osıek» komandasymen ótkizbek. Ótken maýsymda el chempıonatynda 8-shi oryn alǵan osıektikterdi Stanko Mrshıch jattyqtyrady. Olar Horvatııa chempıonatynda 1992, 1995, 1998, 2000, 2001, 2008 jyldary qola júldegeri, 1999 jyly Kýbok jeńimpazy, al byltyr kúmis júldeger atanǵan bolatyn.
