Tarazdyq eriktiler polıtseılerge reıd júrgizýge kómektesýde

TARAZ. QazAqparat – Tarazdyq eriktiler polıtseılerge qaladaǵy oıyn-saýyq nysandary men kóńil kóterý oryndaryna reıdter ótkizýge kómektesýde, - dep habarlaıdy QazAqparat Jambyl oblysy ákiminiń resmı saıtyna silteme jasap.

Jambyl oblysynda eriktiler, úkimettik emes uıymdar men qoǵamdyq birlestikterdiń ókilderi «Qoǵamdyq saqshy» jobasy aıasynda polıtsııa qyzmetkerlerimen birlesip, Taraz qalasyndaǵy oıyn-saýyq jáne kóńil kóterý nysandary boıynsha túngi reıdter ótkizdi.

Buǵan deıin barlyq kásipkerler tótenshe jaǵdaı kezinde saǵat 22.00-de barlyq meıramhanalar men dámhanalardyń jabylýy kerektigi týraly habarlama alǵan bolatyn.

Túngi reıd kezinde eriktiler 20-dan astam kóńil kóteretin nysandardy, túngi jáne kompıýterlik klýbtardy, ınternet-kafelerdi aralady. Barlyq oıyn-saýyq oryndary jabylǵan. Talap buzý jaǵdaılary anyqtalǵan joq.

Sonymen qatar, mobıldi toptar turǵyn úılerdiń aýlalaryn aralap, qala turǵyndaryna aqparattyq paraqshalar taratty. Koronavırýs pandemııasyna baılanysty aldyn alý sharalarynyń talaptaryn túsindirdi, azamattardy sebepsiz kóshege shyqpaýǵa, aınalasyndaǵylarmen baılanysty barynsha qysqartýǵa jáne gıgıena talaptaryn saqtaýǵa shaqyrdy.