Tarazdyq dızaınerdiń kollektsııasy Mılan tórinde kórsetildi
TARAZ. QazAqparat - 18-24 qyrkúıek kúnderi Italııanyń Mılan qalasynda Milan Fashion Week sán aptalyǵy ótti. Onda álemge áıgili brendter men kollektsııalardyń kórsetilimi boldy. Milan Fashion Week sán aptalyǵynyń resmı baǵdarlamasynda tarazdyq dızaıner Aıdarhan Qalıevtiń de maýsymdyq kıim úlgileri kórsetildi, dep habarlaıdy QazAqparat ZhambylNews-ke silteme jasap.
Aıdarhan Qalıev aıtýly sharadaǵy kórsetilimin «Taraz perishteleri» dep atady. Dızaıner onda «Kóktem-Jaz-2019» maýsymdyq kollektsııasyn kópshilik nazaryna usyndy.
Shyǵarmashylyq kórsetilimniń negizi retinde sánger perishte obrazyn tańdaǵan.
«Shyǵys sulýynyń ǵajaıyp pen qupııaǵa toly beınesi perishteni eske salady. Sondyqtan, men óz kollektsııamdy «Taraz perishteleri» dep atadym. Kollektsııadaǵy sán úlgileri shyǵystyq stılde ázirlendi. Oǵan qolóner sheberleri bezendirgen jeńil, jyltyr matalar paıdalanyldy. Shyǵys jigitteri qyz balasyna ana, bolashaq jar dep erekshe qurmet kórsetken. ıAǵnı, bizdiń uǵymymyzda áıel obrazy pák te názik sezimmen qatar júredi. Sondyqtan, kollektsııadaǵy kıim úlgilerine aldaǵy maýsymda sánge aınalatyn aq tús qoldanyldy», - deıdi dızaıner.
Mılannan soń jerlesimizdiń týyndylary qazan aıynda Taraz qalasynda ótetin «Taraz - Aspara fashion week» sán aptalyǵynyń saltanatty ashylýynda kórsetilmek.
Aıta ketý kerek, «Taraz - Aspara fashion week» halyqaralyq sán aptalyǵyna qatysýǵa 19 memleketten 30-dan astam dızaıner nıet bildirip otyr.
