Tarazdyq dárigerler syrǵa jutyp qoıǵan 3 jasar balany aman alyp qaldy
TARAZ. QazAqparat – Tarazdyq dárigerler syrǵa jutyp qoıǵan 3 jasar balaǵa sátti ota jasady,- dep habarlaıdy QazAqparat tilshisi.
Jambyl oblystyq kópbeıindi balalar aýrýhanasyna ata-anasy bir sátte shashalyp, aýa jetpeı, jaǵdaıy qıyndaǵan balany alyp kelgen. Toqtaýsyz qusyp, álsirep, denesi qurǵaı bastaǵan búldirshindi dárigerler rentgenge túsirip, asqazanyndaǵy bir kederginiń baryn anyqtap, sonyń áserinen onyń jaǵdaıy qıyndap bara jatqanyn baıqaǵan.
Hırýrgııa bóliminiń meńgerýshisi, joǵary sanatty balalar hırýrgy Elbrýs Salpaǵarov kóp oılanbastan, shuǵyl endoskopııalyq otany bastap ketedi.
Anasynyń aıtýynsha, bala úıinde oınap otyryp, jerden syrǵa taýyp alyp, jutyp qoıǵan kórinedi. Bilikti de tájirıbeli dáriger E.Salpaǵarovtyń shuǵyl áreketi arqasynda náresteniń tamaǵyndaǵy zat sátti alynyp, bala durys demalyp, mazasyzdanǵany lezde basyldy.
«Bala aýrýhanaǵa aýyr jaǵdaıda tústi. Іshken asyn keri qaıtaryp, ábden mazasy qashqan. Bozaryp, tamaq pen sý ishe almaǵasyn, denesi qurǵaı bastaǵan. Ata-anasynyń ruqsatyn alyp, ota shuǵyl túrde jasaldy. Sátti aıaqtaldy, balanyń qazirgi jaǵdaıy jaqsy, tamaq pen sýsyn iship jatyr. Meniń 30 jylǵa jýyq jumys tájirıbemde osyǵan uqsas jaǵdaılar kóp ushyrasady», - deıdi E. Salpagarov.
Sátti ótken otadan soń tez-aq ózine kelgen kishkentaı patsıenttiń ata-anasy balasynyń ómirin aman alyp qalǵan dárigerlerge alǵysyn jaýdyrý
Dárigerler ata-analardan barynsha saq bolyp, balalaryn qaraýsyz qaldyrmaı, olarǵa kóbirek ýaqyt bólýdi jáne usaq zattardy balalardyń qoly jetpeıtin jerge qoıý kerektigin eskertedi.
