Tarazdyq belsendi kórineý jalǵan jala jabý kúdigimen ustaldy

ASTANA. QazAqparat - 2022 jylǵy 25 qazanda polıtsııaǵa azamat Qanatov N. belgisiz adamnyń úıiniń janynda turǵan avtokóligin órtemek bolǵany týraly habarlaǵan. Órteý faktisi rastaldy. Avtokóliktiń syrtqy bóligi jartylaı zaqymdanǵan, dep habarlaıdy Polisia.kz.

Atalǵan derek boıynsha QR QK 202-baby 2-bóligimen qylmystyq is tirkeldi (Bótenniń múlkin qasaqana joıý nemese órt qoıý arqyly búldirý).

Qanatov óz jaýaptarynda, sondaı-aq áleýmettik jelilerde onyń avtokóligin órteýdi memlekettik qyzmetshi-laýazymdy adam uıymdastyrdy dep kúdiktenip, bolǵan oqıǵany óziniń qoǵamdyq qyzmetimen baılanystyrǵan. Budan bólek, órteý deregi jasalǵanǵa deıin N. Qanatov áleýmettik jelilerde oǵan qatysty laýazymdy adamdar tarapynan «qastandyqtar» josparlanyp otyrǵany týraly habarlamalar jarııalaǵan bolatyn.

Jedel-izdestirý is-sharalarynyń nátıjesinde onyń avtokóligin órtegen adam ustaldy. Avtokólikti órteý Qanatovtyń tapsyrysymen jasalǵany anyqtaldy. Onyń maqsaty tergeý barysynda anyqtalatyn bolady.
Qanatovqa qatysty QR QK 419-baby 3-bóligi boıynsha qylmystyq is tirkeldi (Adamdy aýyr qylmys jasady dep aıyptaýmen ulasqan ne paıdakúnemdik nıetpen kórineý jalǵan sóz sóıleý). Onyń kinásine qatysty naqty dálelder bar. Órtep jibergen adam anyqtalǵannan keıin, Qanatov tergeýge ártúrli joldarmen kedergi keltirýge tyrysty.
2023 jylǵy 7 aqpanda Qanatov ýaqytsha ustaý ızolıatoryna qamaldy. QR QPK-niń 201-babyna sáıkes ózge de aqparat jarııalaýǵa jatpaıdy. Tergeý jalǵasýda.118:54

Foto: t.me/POLICE_of_KZ