Tarazdyq 31 jastaǵy júrgizýshiniń kóliginen sýyq qarý tabyldy
TARAZ. QazAqparat – Taraz qalasynda 31 jastaǵy turǵynnyń avtokóliginiń júksalǵyshynan qarý tabyldy,- dep habarlaıdy QazAqparat tilshisi.
Ákimshilik ýchaskeni patrýldeý kezinde patrýldik jasaq Súleımenov kóshesinde Taraz qalasynyń 31 jastaǵy turǵynynyń basqarýyndaǵy «BMV» markaly avtokóligi toqtatqan. Avtokólikti tekserý barysynda júksalǵyshtaǵy sporttyq sómkeden TOZ-120 markaly 12 kalıbrli tirkelmegen tegis uńǵyly qarý tabyldy. Bul týraly oblystyq polıtsııa departamentiniń baspasóz qyzmeti habarlady.
«Atalǵan derekke qatysty QR QK 287-baby 2-bóligi (uńǵysyz atys qarýyn zańsyz satyp alý, berý, ótkizý, saqtaý, tasymaldaý nemese alyp júrý) boıynsha sotqa deıingi tergeý bastaldy. Tergeý amaldary jalǵasýda, qarýdyń qylmys jasaýǵa qatystylyǵyn anyqtaýǵa ballıstıkalyq saraptama taǵaıyndaldy», - dedi PD JPQB bastyǵy polıtsııa polkovnıgi Rahymberdi Áshkeev.
