Tarazdaǵy jol apaty: Polıtsııa kóligine traktor jol bermegen
TARAZ. QazAqparat - Tarazda eki polıtseıdiń qatysýymen bolǵan jol-kólik oqıǵasy faktisi boıynsha sotqa deıingi tergeý jumystary bastaldy, dep habarlaıdy «QazAqparat» HAA tilshisi.
Eske salaıyq, Taraz qalasynda Tóle bı dańǵyly men Ál-Farabı kóshesiniń qıylysynda jol apaty bolyp, jol-patrýldik qyzmettiń eki qyzmetkeri zardap shekti. Olar aýyr halde №1 qalalyq aýrýhanaǵa jetkizildi.
«QazAqparat» HAA tilshisiniń Jambyl oblystyq ІІD baspasóz qyzmetine joldaǵan saýalyna quqyq qorǵaý mekemesi mynadaı jaýap berdi: «2 aqpan kúni saǵat 21:10-da Maılın - Ál-Farabı kósheleriniń qıylysynda «Pejo 301» markaly qyzmettik kólik júrgizýshisi polıtsııa aǵa serjanty «WZ-30/25» markaly frontaldy tıegish traktordyń artqy kúregine soǵylǵan. Traktordyń júrgizýshisi burylmaqshy bolǵanda, qarsy bettegi kólikti ótkizbegen. «Pejo 301» ekpini báseńdemeı aǵashqa soǵylǵan. Jol-kólik oqıǵasy saldarynan «Pejo 301» avtokóliginiń júrgizýshisi men jolaýshysy ártúrli deńgeıde jaraqat alyp №1 qalalyq aýrýhanaǵa tústi».
Traktor-tıegishtiń rýlinde 50 jastaǵy tarazdyq otyrǵan. Traktor «Jasyl-El Taraz» JShS-na tıesili.
Bul oqıǵa Sotqa deıingi tergeýdiń biryńǵaı tizilimine QR QK 345-babynyń 2-bólimi boıynsha tirkeldi, sotqa deıingi tergeý jumystary bastaldy, dep naqtylady óńirlik ІІD-niń baspasóz qyzmeti.
