Tarazdaǵy jazasyn óteýshiler nápaqa taýyp, otbasyn asyraýda
TARAZ. QazAqparat –Taraz qalasynda túzeý mekemelerinde eńbek terapııasy qolǵa alynýda. Sol arqyly abaqtydaǵylar nápaqa taýyp otbasyn asyrap otyr, dep habarlaıdy QazAqparat tilshisi.
Al bul óz kezeginde kásipkerlerge de tıimdi. Qaıtalanbas qolóner týyndylary, arzanqol jumys kúshi, sapaly taýar.
Bul úrdis Jambyl oblysyndaǵy QAJD JD-158/7 mekemesinde de bastaý alǵan. Búginde mekeme aýmaǵynda 12 jeke kásipkerlik júıeli jumys istep otyr. Onda sottalǵandardyń 90 paıyz turaqty jumyspen qamtylǵan. Olardyń deni ár túrli ónim shyǵarar óndiristik baǵytta bolsa, kóbine shıkizat retinde aǵashty qoldanady.
«Aǵash ónimderiniń janýǵa beıim birden-bir materıal ekendigin eskersek, saqtyqta qorlyq joq. Sondyqtan arnaıy jıyndar ótkizip, tıisti sala mamandary, tehnıkalyq qaýipsizdik sharalaryn túsindirý ústinde. Tótenshe jaǵdaılardyń aldyn alyp, tilsiz jaýdan saqtaný maqsatynda sottalǵan jeke kásipkerlerdi óndiristik aýmaqtaryn myqtap qamdaýǵa shaqyrýdamyz»,-deıdi mekeme bastyǵynyń mindetin atqarýshy, ádilet podpolkovnıgi Almazbek Azızbekov.
