Tarazdaǵy jarylys: Birtanov jaraqattanǵandarǵa qandaı kómek kórsetilip jatqanyn aıtty

ASTANA. QazAqparat - Taraz qalasyndaǵy páterdegi gaz jarylysynan zardap shekken adamdarǵa qajetti medıtsınalyq kómektiń barlyǵy kórsetilip jatyr. Bul týraly búgin «Nur Otan» partııasynyń kezekti XVIII sezi aıasynda BAQ ókilderine Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Tarazdaǵy oqıǵaǵa baılanysty sezd aldynda jergilikti densaýlyq saqtaý basqarmasynyń basshylarymen sóılestim. Ókinishke oraı úsh adam sol jerde qaza tapty. Úsh adam aýrýhanada. Olardyń biri - bala bas jaraqatyn alǵan, jaǵdaıy aýyr. Arnaıy operatsııaǵa daıyndap jatyr. Densaýlyq saqtaý mınıstrligi tarapynan qandaı kómek bolsyn kórsetýge daıynbyz. Ekinshi naýqasta qarqyndy em alyp jatyr. Denesiniń 50 paıyzyn kúıik shalǵan. Barlyǵy medıtsınalyq kómek alyp jatyr. Bári meniń jeke baqylaýymda", - dedi Eljan Birtanov.

Eske sala ketsek, Elbasy tapsyrmasymen Tarazdaǵy tótenshe jaǵdaıdy tergeýge qatysty úkimettik komıssııa quryldy.

Sonymen qatar Memleket basshysy qaza tapqandardyń otbasy men týystaryna kóńil aıtty.