Tarazdaǵy jármeńkede ónim 10-15 paıyz tómen baǵamen satyldy
Jármeńkede Taraz qalasy men Baızaq, Moıynqum, Shý aýdandary taýar óndirýshileriniń jáne turaqtandyrý qorynyń sondaı-aq, «Alqaptan sórege deıin» jobasyna qatysýshy jeke kásipkerlerdiń ónimi naryqtaǵydan 10-15 paıyzǵa tómen baǵada usynyldy.
Jármeńkede ótkerilgen taýarlardyń jalpy quny 105,2 mln teńgeni, kólemi 79,7 tonnany quraıdy. Onyń ishinde 5,3 tonna et, 1 tonna shujyq, 1,1 tonna sút ónimi, 3 myń jumyrtqa, 0,2 tonna kondıterlik ónim men 1,2 tonna makaron ónimi, 1,3 tonna balyq, 10 tonna qant, 3 tonna un, 0,4 tonna bal jáne 53,1 tonna jemis-jıdek pen kókónis ónimderi bar.
Bul kúngi jármeńkege Baızaq aýdanyndaǵy «Dáýren» sharýa qojalyǵy 1,5 tonna sıyr, jylqy jáne qoı etin ákelse, «Jafar» men «Aǵalı» qojalyqtary 0,7 tonna sút ónimin jetkizgen. Sondaı-aq, Shý aýdanyndaǵy «Qalqa» sharýa qojalyǵy 2,5 tonna kókónis, «Ábdikárimova S.K» jeke kásipkerligi 2 tonna «AIGERIM» atty makaron ónimin saýdalady.
Atalǵan «Dáýren» sharýashylyǵynyń basshysy Maralbaı Naýryzbekoviyń aıtýynsha, mundaı jármeńke ónimin deldalsyz, tikeleı halyqqa ótkizýge múmkindik beredi.
«Bizdiń ónimderimiz eshqandaı qospasyz, tabıǵı taza. Al, mundaı ónimdi eshqashan halyqtyń suranysyn tómendetpeıdi»,- deıdi qojalyq basshysy.
Aıta ketý kerek, oblys ortalyǵynda qyrkúıek aıynan bastap 8 jármeńke uıymdastyrylyp, onda jalpy quny 899,1 mln teńge 712,7 tonna aýyl sharýashylyǵy taýary satylǵan.
