Tarazdaǵy jármeńkede 54 tonnaǵa jýyq ónim satyldy
TARAZ. QazAqparat – Taraz qalasynda aýyl sharýashylyq ónimderiniń jármeńkesi bastaldy, dep habarlaıdy QazAqparat tilshisi.
Oblys ákiminiń qoldaýymen qolǵa alynǵan alǵashqy jármeńke senbi kúni qaladaǵy kommýnaldyq bazarda ótti. Jármeńkede Baızaq, Qordaı, Talas aýdandary men Taraz qalasynyń aýyl sharýashylyǵy taýar óndirýshileriniń jáne turaqtandyrý qorynyń taýarlary usynyldy.
«Bul jármeńkede jalpy quny 11,7 mıllıon teńge 53,8 tonna aýyl sharýashylyǵy ónimderi satylymǵa shyqty. Onyń ishinde 4,7 tonna et, 1,3 tonna sút ónimderi, 1 tonna shujyq ónimderi, 2 myń dana jumyrtqa, 1,3 tonna balyq, 300 keli bal, 400 keli kondıterlik ónimder men 1 tonna makaron ónimderi, 100 keli tuz jáne 41,6 tonna jemis-jıdek pen kókónis ónimderi bar. Ónimder naryqtaǵydan 10-20 paıyzǵa arzan baǵada usynyldy», - deıdi Qaırat Amanov.
Aıta ketý kerek oblys ortalyǵyndaǵy jármeńke 1 jeltoqsanǵa deıin senbi kúnderi apta saıyn bekitilgen kestege sáıkes aýdandar bólinisinde ótetin bolady.
Aldaǵy aptada Jambyl, Sarysý, T.Rysqulov, Shý aýdandary men Taraz qalasynyń aýyl sharýashylyǵy taýar óndirýshileriniń jáne turaqtandyrý qorynyń taýarlary usynylmaq.
