Tarazdaǵy jankeshti Maqsat Kárıev kirgen qylmystyq toptyń rýhanı jetekshisi ustaldy
TANA. 30 qarasha. QazAqparat /Rýslan Ǵabbasov/ - Tarazdaǵy jankeshti Maqsat Kárıev kirgen qylmystyq toptyń rýhanı jetekshisi ustaldy. Bul týraly búgin Astanada ótken brıfıngte Bas prokýratýranyń resmı ókili Nurdáýlet Súıindikov málim etti.
«Qazirgi tańda osy qylmystardy uıymdastyrýǵa qatysy bar degen kúdik boıynsha alty adam, sonyń ishinde aǵymdaǵy jyldyń basynda qurylǵan jáne quramyna Kárıev kirgen qylmystyq toptyń rýhanı jetekshisi ustaldy» dedi resmı ókil.
Onyń sózine qaraǵanda, toptyń josparyna dúkenderdi, bankterdi jáne aqsha aıyrbastaý pýnkterin tońaý jáne qaraqshylyq jasaý qylmystary kirgen. «Atalǵan adamdardyń árqaısysynyń buryn da qylmysty bolǵandaryn jáne paıdakúnemdik kúsh kórsetip qylmystar jasaýǵa aralasqandaryn atap ótken jón» dedi N.Súıindikov. Máselen, tergeý jumystary olardyń 2004 jyly «Býrabaı» kýrorty aımaǵyndaǵy «Jeke batyr» shıpajaıynyń emdelýshisi, 1918 jyly týǵan qart kisi Zeınel Toqtarovty tonaý maqsatynda óltirgenin, sondaı-aq 2010 jyly Qarataý qalasynda urlyq jasaǵanyn dáleldeıtin derekterdi alǵan kórinedi. Budan basqa tergeý sharalary atalǵan top músheleriniń Almaty jáne Atyraý qalalarynda da paıdakúnemdik kúsh kórsetý qylmystaryn jasaǵandary týraly derekter bar. Qazirgi tańda osy aqparat tekserip jatyr.
Esterińizge sala keteıik, bıylǵy 12 qarashada Taraz qalasynyń turǵyny Maqsat Kárıev birqatar asa aýyr qylmystar jasady. Sonyń saldarynan quqyq qorǵaý organdarynyń bes qyzmetkeri men eki beıbit turǵyn qaza taýyp, al úsh polıtsııa qyzmetkerine oq tıip, jaraqat aldy. Sonymen qatar Kárıev ózin-ózi jaryp jiberdi.
