Tarazdaǵy túrmede sorpa paketine salynǵan 19 uıaly telefon tabyldy
TARAZ. QazAqparat - Tarazda asa qatań rejimdegi 158/7 mekemesinde tutqyndaǵylarǵa uıaly baılanys quraldaryn jetkizbek bolǵan árekettiń aldy alyndy, dep habarlaıdy «QazAqparat» HAA tilshisi túzeý mekemesi ákimshiligine silteme jasap.
19 uıaly telefon, ony qýattaıtyn qurylǵylar, batareıkalar jáne «sımkalar» kolonııa aýmaǵyndaǵy dúkenge ákelingen azyq-túlik taýarlarynyń ishinen tabyldy. Berýge tyıym jasalǵan zattar tez daıyndalatyn sorpa paketterine salynǵan.
Ony kolonııanyń jedel qyzmetkerleri, Ulttyq gvardııanyń áskerı qyzmetkerleri jáne Graf dep at qoıylǵan ovcharka tapty.
Qatań rejimdegi 158/7 túrmesiniń basshysy Nurjan Joldasbekovtyń aıtýynsha, bul uıaly telefondardyń iri partııasy. Muny qalaı ákelgen jáne kim jetkizgen, olardyń artynda kimder tur, bári tekseriledi.
