Tarazdaǵy «Shahrıstan» bazary demalys ortalyǵyna aınalady

TARAZ. QazAqparat - Oblys ákimi Asqar Myrzahmetovtiń tapsyrmasyna sáıkes, oblys ortalyǵyndaǵy burynǵy Shahrıstan bazary aýmaǵy mádenı-demalys ortalyǵyna aınalmaq, dep habarlaıdy QazAqparat ZhambylNews-ke silteme jasap.

200 gektardan astam aýmaqty alyp jatqan Shahrıstan kesheninde kórkem sýret galereıasy, mýzeı, kórme jáne rýhanııat ortalyǵy, qolóner sheberhanasy, meıramhana, sonymen qatar amfıteatr jáne kólemdi saǵat stellasy sııaqty birneshe nysan boı kóteredi.

Sondaı-aq, oblys, qala ákimdik mańaıy da túrlenedi. Burynǵy sýburqaqtar ornyna túrli-tústi áýen yrǵaǵyna saı qozǵalatyn jańa turpattaǵy fontandar iske qosylady. Qurylys jumystary maýsym aıynda bastaý alyp, qyrkúıekte tamasha tartý bolmaq.

Qazirgi ýaqytta oblystyq arhıtektýralyq bıýro eskızdik jobalardy ázirleýge kirisken. Kóne shahardyń mazmunyna mán, kórkine sán beretin jańashyl jobalar jalǵasyn tabady.