Tarazdaǵy shaǵyn qarjy mekemesiniń dırektory óz fırmasyn tonaǵan
«7 qyrkúıekte Taraz qalasynyń «102» arnasyna shaǵyn qarjy mekemesine tonaý jasalǵany týraly habarlama tústi.
Polıtseıler kelgennen keıin sol mekeme fılıalynyń 47 jastaǵy dırektory kassırdi dárethana bólmesine qamap, kassadan 24,5 mln teńge kólemindegi aqshany ıemdenip, belgisiz baǵytqa qashyp ketkeni anyqtaldy», - dep jazdy vedomstvodan.
Osy derekke qatysty QR QK 191-babynyń 4-bóligi (asa iri mólsherde jasalǵan tonaý) boıynsha qylmystyq is tirkeldi.
Jeke quramǵa shuǵyl baǵdar berilip, «Tosqaýyl» jospary engizildi. Sondaı-aq ózge de jedel is-sharalar kesheni júrgizildi, onyń ishinde tonaýshynyń týystarymen jáne aınalasyndaǵy jaqyn aralasatyn adamdarmen baılanys jasalyp, nátıjesinde kúdikti qala aýmaǵynan tys jasyrynyp úlgermeı, óz erkimen urlanǵan aqshany alyp, polıtsııa organyna kelýge májbúr boldy.
