Tarazdaǵy Orynbekov-Kópshenbetovter otbasynda úshem dúnıege keldi
TARAZ. 18 qańtar. QazAqparat - Taraz qalasynda Orynbekovter men Kópshenbetovter otbasynda úsh birdeı sábı dúnıege keldi, dep habarlady Jambyl oblysy ákimdiginiń densaýlyq saqtaý basqarmasynan.
«Bul otbasynda endi alty bala bar, - dedi tilshimizge bergen suhbatynda oblystyq densaýlyq saqtaý bóliminiń baspasóz qyzmetiniń jetekshisi Tolqyn Ómirbaeva. - Al qańtar aıynda Aınur Kópshenbetovanyń úsh sábıi dúnıege keldi. Salmaqtary 2 jarym keli bolatyn úsh er bala qalalyq perınataldyq ortalyqta týǵan. Denderi saý bolyp týǵan olardyń jaǵdaıy jaqsy».
Nárestelerdiń esimderin Aman, Esin jáne Júrsin dep qoıǵan.
«Alty balanyń anasy qazir jumyssyz, al onyń jubaıy Qanat Orynbekov jekemenshik tasýmen aınalysady. Balalardy qarap, olardy emdeýge qajetti shyǵyndardyń bárin qalalyq balalar aýrýhanasy óz moınyna alyp otyr», - dep túsindirli oblystyq densaýlyq saqtaý basqarma baspasóz qyzmetiniń jetekshisi. - Otbasynda sábıdiń dúnıege kelýi árqashan úlken qýanysh ákeledi, al birden osynsha bala dúnıege kelgende úshı ese qýanasyń».
Oblystyq densaýlyq basqarmasynyń málimeti boıynsha, 2013 jyly Jambyl oblysynda úsh otbasynda úshem dúnıege kelgen. Qazirgi tańda ol sábılerdiń barlyǵynyń densaýlyqtary oıdaǵydaı.
Barlyǵy ótken jyly óńirde 27028 bala týǵan, olardyń 13106-sy er balalar, 13922-si qyzdar.
