Tarazdaǵy NIS oqýshylarynyń startap jobasy Orta Azııada el namysyn qorǵamaq
TARAZ. QazAqparat – Tarazdaǵy NIS oqýshylarynyń UnApp Space startap komandasy «Techstars StartUp Weekend» konkýrsynda jeńiske jetip, óz jobalaryn damytýǵa 1000$ kóleminde grantqa ıe boldy, dep habarlaıdy QazAqparat tilshisi.
Damytylǵan joba naýryz aıynyń sońynda Ortalyq Azııa kezeńinde el namysyn qorǵaıtyn bolady,
Baıqaýdy Qazaqstannyń eń iri startap ınkýbatorlarynyń biri – MOST uıymdastyrdy.
«Baıqaýdyń eki kúninde biz óz ónimimizdi jetildirý maqsatynda tynymsyz jumys jasadyq. Búgingi jeńisimiz – qazaqstandyq naryqta iri EdTech kompanııasyn qurý jolyndaǵy taǵy bir qadam bolyp otyr», – deıdi joba qatysýshysy, 12 synyp oqýshysy Saıajan Ońlasyn.
UnApp Space – bul avtomattandyrylǵan rejımde sheteldik joǵary oqý oryndaryna túsýge daıyndalýǵa arnalǵan platforma.
Qazirgi ýaqytta jas kásipkerler Nazarbaev Ýnıversıteti janyndaǵy startap ınkýbatsııanyń ekinshi kezeńinen ótip, óz ónimderin túlekter arasynda tanymal etýge tyrysýda.
