Tarazdaǵy mektepterdiń birinde Altynbek Qorazbaevtyń demeýshiligimen ІT-synyp ashyldy
TARAZ. QazAqparat - Tarazdaǵy mektepterdiń birinde belgili ánshi, kompozıtor Altynbek Qorazbaevtyń demeýshiligimen ІT-synyp ashyldy, dep habarlaıdy QazAqparat Taraz qalasy ákimdiginiń resmı saıtyna silteme jasap.
«Taraz qalasynyń № 30 mektep - gımnazııasy janynan Qazaqstan Respýblıkasynyń eńbek sińirgen óner qaıratkeri Altynbek Qorazbaevtyń demeýshilik jasaýymen ІT-synyp ashyldy. Bul ıgi is «Nur Otan» partııasynyń «Balalarǵa aqysyz ІT-synyp ashý» jobasyn iske asyrý aıasynda partııa Taraz qalalyq fılıalynyń qoldaýymen júzege asyryldy»,-delingen habarlamada.
ІT-synyp 10 oqýshy, 1 muǵalimge arnalǵan jabdyqtar, oqý-quraldary jáne kompıýterlermen qamtamasyz etilgen. Sonymen qatar, ІT-synypta oqýshylardyń sabaq oqýyna qajetti quraldar men robototehnıka jáne 3D modeldeý ústelderi ornalasqan.
Munda kúnine 5 saǵat sabaq ótkizilip, kez kelgen qyzyǵýshylyq tanytqan 20 bala óz bilimderin jetildire alady.Synyptyń ashylý saltanatyn qala ákimi Ǵalymjan Ábdiraıymov, «Nur Otan» partııasynysy tóraǵasynyń orynbasary Sh.Tileýmurat qatysty.
