Tarazdaǵy mektepterde mıssıonerler ýaǵyz júrgizýde- B. Tileýhan
ASTANA. Naýryzdyń 3-i. QazAqparat /Qanat Mámetqazyuly/ - Tarazdaǵy mektepterde mıssıonerler ýaǵyz júrgizýde. Búgin QR Parlamenti Májilisiniń jalpy otyrysynda Bilim jáne ǵylym mınıstri men Jambyl oblysy ákiminiń atyna saýal joldaǵan depýtat Bekbolat Tileýhan osylaı málim etti,
dep habarlaıdy QazAqparat.
«Meniń atyma kelgen hatqa súıensek, Jańa jyl qarsańynda, dálirek aıtqanda 2009 jylǵy jeltoqsannyń 28-i kúni Taraz qalasyndaǵy 248 bala oqıtyn mektep-ınternatqa káris-hrıstıan shirkeýiniń qyzmetkerleri kelip, syılyq taratqan. Balalarǵa «ıA lıýblıý tebıa Issýs» dep án aıtqyzypty. Al bul sharanyń negizgi ári belsendi uıymdastyrýshysy mektep-ınternattyń dırektorynyń ózi eken. Eki orynbasary men ata-analardyń qarsylyǵyna qaramaı, dırektor óziniń isin oıdaǵydaı atqaryp shyqqanǵa uqsaıdy. Bunymen qoımaı, Jambyl oblystyq bilim basqarmasynyń bastyǵy osy máselege qatysty «káris shirkeýi mektepke kelip qoıylym qoıǵanda turǵan eshteńe joq, bizdiń meshittiń moldalary da mektepke kelip, qoı soıyp, qudaıy berip jatady ǵoı», deıtin kórinedi. Bilim basqarmasy bastyǵynyń nege bulaısha sóılegeni túsiniksiz», degen depýtat máseleniń anyq -qanyǵyna qatysty oblys ákimi men Bilim jáne ǵylym mınıstrinen jaýap kútetinin jetkizdi.
