Tarazdaǵy mektepterde kezekshi toptardyń sany artty
TARAZ. QazAqparat – Jambyl oblysy ortalyǵyndaǵy mektepterde oqý jylynyń ekinshi toqsanynan bastap kezekshi toptardyń sany artty, dep habarlaıdy QazAqparat tilshisi.
Óńirde birinshi toqsanda tek bastaýysh synyp oqýshylary ǵana dástúrli formatta oqysa, endi olarǵa besinshi synyp ta qosyldy. Oblys ákimi Berdibek Saparbaev kezekti ret Taraz qalasyndaǵy mektepterdi aralap, olardyń jańa bastalǵan ekinshi toqsanǵa daıyndyǵyn tekserdi.
«Eger birinshi toqsanda 1683 kezekshi top bolsa, ekinshi toqsanda olardyń sany 1779-ǵa jetti. Qazir Taraz mektepterinde dástúrli túrde barlyǵy 18 myń oqýshy bilim alýda, onyń 1300-i jańa toqsanda qosylǵan besinshi synyp oqýshylary. Sabaqtar ártúrli ýaqytta bastalady, sondyqtan oqýshylardyń toptalýyna jol berilmeıdi», - deıdi Taraz qalalyq bilim bóliminiń basshysy Saıasat Eseev.
Aımaq basshysy sanıtarlyq-dezınfektsııalyq jáne maska rejıminiń, balalardy shahmattyq tizbekpen otyrýyn jáne áleýmettik araqashyqtyqtyń saqtalýyna basa nazar aýdardy.
№17 orta mektepte dástúrli negizde 160 bala oqıdy. Barlyq kabınetter dezınfektsııalyq quraldarmen jabdyqtalǵan, túgeldeı maska taǵynǵan balalar ár partaǵa bir-bireýden ornalasqan.
«Kireberiste avtomattandyrylǵan ótkizý júıesi bar týrnıket ornatylǵan. Ata-analar balasynyń mektepke kelgeni nemese úıine qaıtqany týraly SMS -habarlama alyp otyrady», - deıdi dırektor Muhtar Dosmahanuly.
Bıyl mektepte kúrdeli jóndeý jumystary júrgizilip, jylytý, káriz, sýmen jabdyqtaý júıeleri jańartyldy. Barlyq ishki jáne syrtqy árleý jumystary merziminde aıaqtaldy.
Al, shahardaǵy №24 mektep-gımnazııasyndaǵy 15 kezekshi synypta 216 bala oqıdy. Dırektor Marına Gladchenko antıseptık pen termometrlerdi aldyn ala satyp alyp qoıǵandaryn jetkizdi. Muǵalimder áleýmettik araqashyqtyqtyń saqtalýyn qatań qadaǵalaıdy.
Aımaq basshysy kabınetter men sport zalyn kórip,kitaphana jumysyna qyzyǵýshylyq tanytty.
«Balalar kitaphanadan eki tildegi kórkem jáne ǵylymı kitaptardy taba alady.
Jańa dúnıeler turaqty túsip turady. Olar súıikti kitaptaryn QR-kod arqyly da
júkteı alady», - dedi Marına Gladchenko.
Oblys ákimi oqý-tárbıe úrdisine aıryqsha kóńil bólinetindigin eskerip, mektep basshylyǵynyń jumysyna jaqsy baǵa berdi.
Ret-retimen ilingen qazaq handary men Ekinshi dúnıejúzilik soǵysy batyrlarynyń
portretteri de eriksiz nazar aýdartady.
«Sizderden úlgi alyp, basqa mektepter de máselemen shyǵarmashylyq turǵyda
aınalysýy kerek. Balalar óz tarıhyn bilýi tıis. Ótkensiz bolashaq bolmaıdy. Tek naǵyz patrıottar ǵana bizdiń elimizdi jeńister men jańa jetistikterge jeteleıdi», - dedi Berdibek Saparbaev.
Aıta ketý kerek, búginde Á.Bókeıhanov atyndaǵy №1 gımnazııa ǵımaratyna japsarlas salynǵan nysanǵa 12 synyp jáne eki mýltımedııalyq kabınet ornalasqan. Munda tek 296 bastaýysh synyp oqýshysy bilim alýda.
