Tarazdaǵy lańkestik oqıǵada qoldanylǵan granatomettiń ıesi anyqtaldy - QR ІІM
TANA. 23 qarasha. QazAqparat /Jasulan Amanbaıuly/ - Tarazda jeti adamnyń ómirin qıǵan lańkestik oqıǵanyń kúdiktisine granatomet satqan adamnyń jeke tulǵasy anyqtaldy.
Bul týraly búgin Astanada QR ІІM-niń resmı ókili Nurdildá Oraz málim etti.
Bul qarý buryn BAQ betterinde habarlanǵanyndaı, kórshi Qyrǵyzstannan satyp alynbaǵan. Іshki ister mınıstrligi granatometti satqan adamnyń qaı eldiń azamaty ekendigin, onyń nemen aınalysatyndyǵyn tergeý amaldarynyń júrgizilip jatqandyǵyna baılanysty áli jarııa etilmeıtindigin aıtýda.
«Men qazir Tarazdaǵy kúdiktige granatometti satqan adamnyń kim ekendigi anyqtalǵanyn habardar ete alamyn. Búgingi kúni ony izdestirý boıynsha tıisti sharalar atqarylýda», - dep atap ótti N. Oraz.
Esterińizge sala keteıik, 12 qarasha kúni Tarazda bolǵan jıhad qozǵalysynyń qoldaýshysy jasaǵan qylmystyń nátıjesinde, jeti adam qaza tapqan, olar - eki azamattyq tulǵa, bes quqyq qorǵaý organdarynyń qyzmetkerleri. Al ishki ister organdarynyń úsh qyzmetkeri jaraqat alǵan.
