Tarazdaǵy qonaq úı mańynan sırek kezdesetin áýpildek qutqaryldy
TARAZ. QazAqparat - Jambyl oblystyq orman sharýashylyǵy jáne janýarlar dúnıesin qorǵaý aýmaqtyq ınspektsııasynyń qyzmetkerleri Áýpildekti qutqaryp qaldy, dep habarlaıdy QazAqparat vedomstvonyń baspasóz qyzmetine silteme jasap.
Taraz qalasyndaǵy «Fenıks» qonaq úıiniń aýlasyna kelip qonǵan belgisiz qus týraly alǵashqy aqparatty qonaq úıdiń qojaıyny A.Maralova QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmetovke jetkizgen.
Osy habar boıynsha Jambyl oblystyq orman sharýashylyǵy jáne janýarlar dúnıesi aýmaqtyq ınspektsııasynyń janýarlar dúnıesi jáne ańshylyq sharýashylyǵy bóliminiń mamandary Janna Dúısenbaeva, Sultan Minturǵanov jáne Taraz qalalyq ınspektsııasynyń bas mamany Aıdar Súgirbaev sol mańǵa shuǵyl jetedi.
Ol qustyń sırek kezdesetin úlken áýpildek ekenin anyqtaıdy. Taraz ákimdigine qarasty veterınarlyq qyzmetiniń (sharýashylyq júrgizý quqyǵyndaǵy memlekettik kommýnaldyq kásiporyn) veterınary klınıkalyq tekserýden ótkizip, jabaıy qusta juqpaly aýrý belgileri joq ekendigine kóz jetkizedi.
«Qustyń qanattary, aıaqtary saý jáne qustyń óz betinshe usha alatyndyǵy týraly anyqtama daıyndalyp, úlken áýpildek tabıǵat ortasyna erkindikke jiberildi. Bir qyzyǵy bul qus Reseı memleketiniń Qyzyl kitabyna engen. Qazaqstanda bul qus sırek kezdesedi. Kóbisi bizdiń elimiz arqyly ushyp ótedi», - deıdi Sultan Minturǵanov.
