Tarazdaǵy kásiporyn jylyna 300 myń aıaq kıim shyǵarýdy josparlap otyr

ASTANA. QazAqparat - Taraz qalasyndaǵy «TarazKojObýv» JShS bıyl jyly 160 myń aıaq kıim óndirip, aldaǵy ýaqytta bul kórsetkishti 300 myńǵa deıin arttyrýdy kózdep otyr, dep habarlaıdy «QazAqparat» HAA tilshisi.

Aıta ketsek, Astanada búgin taý-ken metallýrgııalyq saladaǵy 70-ten asa otandyq jetkizýshi kompanııanyń basyn qosyp otyrǵan dástúrli «Qazaqstandyq ónim jasaımyz» forýmy ótip jatyr. Іs-shara QR Investıtsııalar jáne damý mınıstrligi, «Kazakhmys Holding» JShS, «Eýrazııalyq Top» JShS, «KazZinc» JShS, KAZ Minerals Toby jáne «Qazaqaltyn» TKMK» AQ-nyń qoldaýymen uıymdastyrylǵan. Bıylǵy forýmǵa 600-den asa delegat qatysty. Іrgeli kompanııalardyń qatarynda «TarazKojObýv» JShS-sy da bar.
 

«Bizdiń kásiporynnyń 50 jyldyq tarıhy bar. Keńestik kezeńnen keıin barlyq kásiporyndardyń qańyrap qalǵanyn bilesizder. 2002 jyly biz kásiporyndy satyp alyp jumys júrgize bastadyq. Ol kezde 55 myń sharshy metrlik, 19 gektarlyq aýmaǵy bar kásiporynda 50-den astam adam jumys istegen bolatyn. Qurylǵylardyń barlyǵy eskirip, kásiporyndy jandandyrý qajettiligi týyndady. 2009 jyly Germanııadan jańa qurylǵylardy jetkizip, bylǵary shyǵarý úshin taǵy birneshe ozyq tehnologııalardy kásiporynǵa engize bastadyq. Búgingi tańda tolyq qýatty jumys qyzyp keledi. Kásiporyndaǵy jumysshylardyń sany 350-ge jetti», - deıdi kásiporynnyń bas dırektorynyń orynbasary Shamýhtar Shaıýnýsov.

Kompanııa ókiliniń aıtýynsha, kásiporyn ótken jyly 135 myń aıaq kıim óndirgen.

«Biz Qazaqstannyń barlyq naryǵyna shyǵyp kelemiz. Jumysshylardyń, áskerılerdiń aıaq kıimi kásiporynymyzda óndiriledi. Búgingi tańda Pavlodar, Semeı, Qaraǵandy, Almaty, Shymkent, Qyzylorda qalalarynda saýda núktelerimiz bar. Memlekettik tapsyrys aıasynda da jumys qarqyndy. Tótenshe jaǵdaılar departamentterinen, temirjolshylardan jyl saıyn tapsyrys kelip túsedi. Nege deseńiz, ónimimizdiń sapasy joǵary. Jaqynda Qyrǵyzstan naryǵyna ene bastadyq. Bizdiń artyqshylyǵymyz - kásiporyn óndiristiń tolyq tsıklyn baǵyndyrǵan. Demek, shıkizat retinde biz sıyrdyń terisin halyqtan satyp alamyz da, ony óńdeý arqyly aıaq kıim tigemiz», - deıdi Shamýhtar Shaıýnýsov.
 

Kelesi jyldan bastap kásiporyn saýda núktelerinde satylatyn aıaq kıimderdiń sanyn arttyrýdy kózdep otyr.

«Jaqyn jyldary jylyna 300myń aıaq kıim óndirý josparda bar. Bastysy suranys bolsa boldy, óndirý jaǵynanbizde eshqandaı másele joq», - deıdi Shamýhtar Shaıýnýsov.