Tarazdaǵy kanaldar myńdaǵan tonna qoqystan tazartyldy

TARAZ. QazAqparat - Taraz qalasyndaǵy sý arnalary tazalanyp tasqynǵa qarsy jumystar júrgizilip jatyr, dep habarlaıdy «QazAqparat» HAA tilshisi.

Oblys ortalyǵyndaǵy kóbinese jer úıler ornalasqan, halyq «taıvan» atap ketken shaǵyn aýdanǵa jyl saıyn sý basý qaýpi tónedi. Bul jerlerde arnalar ornalasqan, qalyń qar men kúnniń kúrt jylynýy saldarynan aýlalardy sý basyp qalýy múmkin. Buǵan adam faktorynyń da áseri bar. Turǵyndar arnalarǵa qoqys laqtyryp, sýdyń jolyn bitep tastap jatady.

Taraz qalasy ákiminiń baspasóz qyzmeti habarlaǵandaı, sý tasqynynyń aldyn alý sharalary aıasynda  halyqty sý arnalaryna qoqysqa toltyrmaý, sý jıekterin bekitý  jóninde aqparattandyrý jumystary júrgizilgen.

Qazir Tarazda qarǵyn sýdy aǵyzyp áketetin drenajdy kanaldar jóndelip jatyr.

«Irrıgatsııa» JShS basshysy Súleımen Madamınovtyń aıtýynsha, Qarasý-1 kanalynan birneshe kúnniń ishinde 10 myń tonnaǵa jýyq qoqys shyǵarylǵan.