Tarazdaǵy kafede telefon urlaǵan kúdikti ustaldy
TARAZ. QazAqparat – Jambyl oblysynyń polıtseıleri telefon urlyǵyn ashty, dep habarlaıdy QazAqparat tilshisi.
Taraz qalasynyń polıtsııa basqarmasyna 56 jastaǵy turǵyn óziniń uıaly telefonynyń urlanǵany týraly aryzdanǵan. Áıel adam kafeniń ústeline uıaly telefonyn qoıyp, bir sátke syrtqa shyǵyp , qaıtyp oralǵanda zatynyń joǵalǵandyǵyn aıtady. Bul týraly oblystyq polıtsııa departamentiniń baspasóz qyzmeti habarlady.
«Atalǵan derekke qatysty QR QK-niń 188-baby 1-bóligi (Urlyq) boıynsha sotqa deıingi tergeý bastaldy. Polıtsııa qyzmetkerleri beınebaqylaý kameralarynyń kómegimen atalǵan qylmysty jasaǵan 35 jastaǵy kúdiktini anyqtap, ustady. Ustalǵan azamat kinásin tolyq moıyndady. Uıaly telefon ıesine qaıtaryldy»,-delingen vedomstvo habarlamasynda.
