Tarazdaǵy gımnazııa ǵımaratyna oqýshylar chıpti karta arqyly kiredi
TARAZ. QazAqparat - Taraz qalasyndaǵy №41 gımnazııada «qaýipsiz mektep» jobasy iske asyryldy. Bul júıe bilim mekemesine bógde adamdardyń erkin enýine jol bermeıdi. Sondaı-aq elektrondy qurylǵy oqýshylar men muǵalimderdiń sabaqqa qatysýy, kelý jáne ketýin qadaǵalaýǵa múmkindik beredi, dep habarlaıdy QazAqparat.
Atalǵan joba aıasynda bilim ordasyna tórt týrnıket ornatyldy. Gımnazııanyń barlyq oqýshylary men ustazdarynyń jeke sáıkestendirý nómiri derekqoryna engizilip, olarǵa chıp ornatylǵan kartalar berilgen. Olar kartalardyń kómegimen týrnıket arqyly ishke kiredi. Osy arqyly oqýshynyń sabaqta bolǵany nemese bolmaǵany tekserilip, kelip ketken ýaqyty kompıýterge tirkeledi.
«Biz balanyń mektepke qashan kirgenin jáne onyń qashan shyqqanyn barlyǵyn baqylap otyramyz. Mysaly, synyp jetekshileri óz aýysymyndaǵy oqýshylaryn sabaq sany qansha bolǵanyna qaramastan úılerine shyǵaryp salyp ketý kerek. Sol máseleni de ákimshilikke qadaǵalaýǵa óte yńǵaıly», - deıdi atalmysh gımnazııa dırektorynyń orynbasary Gúlnáz Ómirqulova.
Aıta keteıik, bul óz kezeginde mektepte tártipti kúsheıtip, bilim sapasynyń artýyna oń áserin tıgizýi kerek. Sondaı-aq óńirde «Qaýipsiz kolledj» jobasy boıynsha 5 bilim ordasyna týrnıketter ornatylyp, ata-analar úshin arnaıy mobıldi qosymsha jasalýda.
