Tarazdaǵy dámhanadan esirtkige eltigen 26 jastaǵy áıel ustaldy
TARAZ. QazAqparat – Jambyldyq polıtseıler Taraz qalasynyń oıyn-saýyq oryndaryna reıd júrgizip, qala kafeleriniń birinen sıntetıkalyq esirtki qoldanǵan oblys ortalyǵynyń 26 jastaǵy turǵynyn ustady, dep habarlaıdy QazAqparat tilshisi.
Reıdti oblystyq polıtsııa departamentiniń esirtki qylmysyna qarsy is-qımyl basqarmasynyń qyzmetkerleri júrgizgen. Ustalǵan turǵynnan sıtetıkalyq esirtkiden bólek «kannabıs shaıyry» esirtki zaty da tabylyp, tárkilendi. Bul týraly atalmysh departamenttiń baspasóz qyzmeti habarlady.
«Atalǵan derekke qatysty Qylmystyq kodekstiń 296-baby 1-bóligi jáne 296-babynyń 3-bóligi boıynsha sotqa deıingi tergeý júrip jatyr» delingen vedomstvo habarlamasynda.
Sondaı-aq, kafe ıesine qatysty Ákimshilik quqyq buzý týraly kodekstiń 422-baby boıynsha ákimshilik is qozǵalǵan.
