Tarazdaǵy dámhana aldynda jas jigitti pyshaqtap ketti
Taraz qalasynyń 23 jastaǵy turǵyny Taraz qalasynyń kafeleriniń biriniń janynan ótip bara jatyp, sol kafeden shyǵyp bara jatqan er azamatqa, buzaqylyq nıetpen tıisip, janjal shyǵarǵan .
Nátıjesinde kúdikti jábirlenýshiniń júregine pyshaqpen shanshyp kesilgen dene jaraqatyn salyp, oqıǵa ornynan boı tasalaǵan. Bul týraly oblystyq polıtsııa departamentiniń baspasóz qyzmeti habarlady.
«Alǵan dene jaraqattary saldarynan jábirlenýshi Taraz qalasynyń aýrýhanasynyń jan-saqtaý bólimine túsken. Atqarylǵan is-sharalardyń nátıjesinde kúdikti «izin sýytpaı» ustaldy. Tergeý barysynda kúdikti óziniń kinásin tolyq moıyndady»,-delingen vedomstvo habarlamasynda.
Atalǵan derek boıynsha QR QK 24-babynyń 3-bóligi, 99-babymen, ıaǵnı, adam óltirýge oqtalýmen sotqa deıingi tergeý amaldary bastaldy.
Kúdiktige qatysty bultartpaý sharasy retinde «Kúzetpen ustaý» qoldanylyp, tergeý sýdıasymen sanktsııalandy. Qazirgi tańda sotqa deıingi tergep-tekserý júrgizilýde.