Tarazdaǵy bazarda bolǵan órt kezinde qutqarýshyny toq soqty

ASTANA. QazAqparat – Tarazda órt kezinde qutqarýshyny toq soqty, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, 2023 jyldyń 20 qańtarynda saǵat 13:22-de Taraz qalasy, Aqsaı bazaryndaǵy saýda ornynda bolǵan órt kezinde qutqarýshyny ǵımarat mańynda úzilgen elektr symynan shyqqan toq soqqan.

Oqıǵa órt sóndirý jumystaryna daıyndyq kezinde (jaýyngerlik qanat jaıý) bolǵan.

Toq soqqan adam Jambyl oblysy Tótenshe jaǵdaılar departamenti «ÓS jáne AQJQ» MM Taraz qalasy №1 mamandandyrylǵan órt sóndirý bóliminiń azamattyq qorǵaý kishi serjanty 1998 jyly týylǵan Nurbolat Qonaqbaı.

«Abyroı bolǵanda qutqarýshynyń jaǵdaıy turaqty, dárigerlerdiń baqylaýynda bolady»,-delingen habarlamada.

Osyǵan deıin Taraz bazarynan órt shyǵyp, 4 adam qutqarylǵanyn habarldyq.

Órt 14:56-da sóndirildi.

Foto: TJM baspasóz qyzmeti