Tarazdaǵy bazarda 2 vaktsınalaý kesheni jumys isteýde
TARAZ. QazAqparat – Taraz qalasyndaǵy «Aýyl-Bereke» bazarynda halyqty koronavırýske qarsy vaktsınatsınalaıtyn 2 jyljymaly keshen jumys isteýde, dep habarlaıdy QazAqparat tilshisi.
Medıtsınalyq keshendegi qyzmetkerler quramynda vaktsına saldyrýshylardyń densaýlyǵyn tekserip baqylaıtyn 2 dáriger, 2 vaktsınator jáne medıtsınalyq tirkeýshiler bar. Bir kúnde 100-ge jýyq adamǵa vaktsına salynǵan. Bul týraly oblystyq densaýlyq saqtaý basqarmasynyń baspasóz qyzmeti habarlady.
«Jambyl oblysynda koronavırýstyq ınfektsııaǵa qarsy egý jumystary oblystyń 20 emhanasynyń bazasynda ǵana emes, kóshpeli jyljymaly brıgadalarynda da júrgizilýde.
2021 jyldyń 28 sáýirinen bastap «Aýyl-Bereke» bazarynyń aýmaǵynda № 7 jáne 9 emhanalarǵa jatatyn eki jyljymaly medıtsınalyq keshen bazasynda mobıldi vaktsınatsııa kabınetteri ashyldy. «Spýtnık V» vaktsınasymen alǵashqy egýdi «Aýyl- Bereke» bazarynyń dırektory, sodan keıin qyzmetkerleri aldy. Barlyq azamattar ekpe alýǵa erikti túrde, óz kelisimderimen, kezekpen keldi. Kelýshiler, aldymen, dárigerdiń qaraýynan jáne tekserýinen ótti. Egilgenderde otyz mınýt ishinde reaktsııalar men asqynýlar baıqalǵan joq»,-delingen basqarmanyń habarlamasynda.
Ekpe qabyldaýshylaýshylarǵa «QazCovid-in» jáne «Spýtnık V» vaktsınasy týraly aqparat berilýde. Kelesi egý kúni 21 kúnnen keıin belgilengendigi aıtylyp, bul týraly eskertý telefondaryna keletindigi jóninde de qulaqqaǵys etildi.
№ 7 jáne 9 emhanalardan, SES ortalyǵynan quramy 10 adamnan turatyn medıtsına qyzmetkerleri brıgadalary bazarda jadynamalar men úndeýhattardy tarata otyryp, túsindirý jumystaryn júrgizýde.
