Tarazdaǵy batýttar tekserildi

TARAZ. QazAqparat - Tarazda attraktsıondaǵy jazataıym oqıǵalarǵa jol bermeý boıynsha profılaktıkalyq is-sharalar aıasynda oblys ortalyǵynda ornalasqan attraktsıondarǵa, batýttarǵa reıd júrgizildi, dep habarlaıdy QazAqparat.

Atalmysh reıdtik sharany jergilikti polıtsııa qyzmeti, TJ departamentiniń Taraz qalasy TJ basqarmasy qyzmetkerleri jáne jergilikti atqarýshy organdar ókilderinen qurylǵan komıssııa júrgizdi.

Reıd barysynda batýt ıelerine attraktsıondarda qaýipsizdikti saqtaý jáne qamtamasyz etý jaıy, ata-analarǵa balalardy qaraýsyz qaldyrýǵa bolmaıtyny eskertildi.

Óz kezeginde tehnıkalyq retteý jáne metrologııa komıtetiniń oblystyq departamentiniń bólim basshysy Quralaı Qyrǵabaqova attraktsıondardy retke keltirýdi qamtamasyz etý, sondaı-aq áleýetti bıohımııalyq qaýip dárejesine baılanysty ruqsat qujattary týraly aıtty. Sonymen qatar, kásiporyn qyzmetkerlerin Qazaqstan Respýblıkasynyń «Attraktsıondardy paıdalanýǵa berý jáne paıdalaný kezindegi qaýipsizdik talaptary» ulttyq standartymen tanystyrdy.

Aıta ketý kerek, attraktsıondardy qaýipsiz paıdalaný boıynsha qajetti sharalardy qabyldaý máseleleri tótenshe jaǵdaılardyń aldyn alý jóninde oblystyq komıssııanyń kezekten tys otyrysynda da qaralǵan bolatyn.